Xəbərlər

İndiyədək 1200-ə yaxın məcburi köçkün sahibkara 24 milyon manat, o cümlədən 2013-cü ildə 307 məcburi köçkün sahibkara 5 milyon manat güzəştli kredit verilib.

ERtv-nin verdiyi xəbərə görə, bu barədə Sahibkarlığa Kömək Milli Fondunun icraçı direktoru Şirzad Abdullayev məlumat verib. O bildirib ki, bu kreditlər hesabına məcburi köçkünlərin məskunlaşdığı ərazilərdə 2000-dən çox yeni iş yerinin yaradılması nəzərdə tutulur.

Son illərdə məcburi köçkün sahibkarlar tərəfindən həyata keçirilən, yeni texnologiyaların tətbiqinə əsaslanan 4 iri investisiya layihəsinin maliyyələşdirilməsinə 14,3 milyon manat güzəştli kredit verilib. Artıq bu müəssisələr istifadəyə verilib və orada işləyənlər məcburi köçkünlərdir”.

O bildirib ki, Sahibkarlığa Kömək Milli Fondu məcburi köçkün sahibkarlarla əlaqələrini daha da genişləndirəcək və güzəştli kreditlərin alınmasına dəstək tədbirlərini daha da gücləndirəcək.