Xəbərlər

Ekspertlər Milli Şuranın qiymət artımına qarşı dekabrın 15-də təşkil etdiyi mitinqin də effektli alınmadığı qənaətindədirlər.

Bu barədə ERtv-yə açıqlama verən politoloqMehman Rəsulov Milli Şuranın qeyd olunan mitinqinin zəifliyini bu qurumun tərəfdar kütləsinin azlığı ilə əlaqələndirir:

“Əslində, Milli Şuranın bazar gününə təyin etdiyi mitinqin yüksək səviyyədə baş tutacağı gözlənilmirdi və aksiyanın miqyası bu proqnozların tam doğru olduğunu təsdiqlədi.

Milli Şuranın həmin mitinqinin zəif alınması bu qurumun sosial bazasının zəifliyini bir daha əyani surətdə göstərdi.

Hər kəs əmin oldu ki, sosial bazası, tərəfdarlar kütləsi zəif olan bir qurumun izdihamlı mitinq keçirməsi mümkün deyil.

Fikrimcə, aksiyanın bu cür uğursuz alınacağını elə Milli Şuranın rəhbərliyi də yaxşı bilirdi.

Lakin onlar gündəmdə qalmaq, ictimai fikirdə özlərini xatırlatmaq məqsədi ilə o aksiyanı elan etdilər.

Amma bu səviyyəli aksiyalarla hansısa məqsədə çatmaq mümkün deyil”.