Xəbərlər

Avropa İttifaqı diplomatiyasının rəhbəri Ketrin Eşton Ukrayna hakimiyyətini “Batkivşina” ofisinə hücum xəbəri fonunda maksimum təmkinli olmağa çağırır və xəbərdarlıq edir ki, bu hadisələr danışıqlar prosesini poza bilər.

ERtv-nin RİA Novosti-yə istinadən verdiyi xəbərə görə, bu barədə Ketrin Eştonun bəyanatında deyilir.

Daha əvvəl “Batkivşina”  partiyası bəyan edirdi ki, güc strukturları partiyanın ofisinə daxil olublar və oradan 2 server aparıblar.

Bəyanatda deyilir ki, xanım Eşton polis qüvvələrinin ən böyük müxalifət partiyası olan “Batkivşina”nın ofisinə girməsi barədə xəbərləri narahatlıqla izləyir. O, bunun danışıqlar prosesini pozacağından ehtiyat etdiyini bildirib.