Xəbərlər

Əmək və Əhalinin Sosial Müdafiəsi Nazirliyi rəsmi internet saytında nazirlik xətti ilə avtomobil alan əlillərin siyahısını açıqlayıb.

ERtv Nazirliyə istinadən xəbər verir ki, siyahıda 1998-2013-cü illər ərzində nazirlikdən pulsuz avtomobil alan vətəndaşların adları əksini tapıb.

Siyahıda avtomobil alanların adları, əlilliyinin səbəbi, ünvanı, növbəyə alındığı tarix və avtomobillərin verilmə tarixi göstərilib.

Siyahıya görə, 3496 vətəndaş bu illər ərzində avtomobillə təmin olunub.

Nazirliyin saytında həmçinin pulsuz avtomaşın almaq üçün növbədə dayanmış vətəndaşların siyahısı da var.

Saytda növbədə dayanmış Qarabağ müharibəsi və 20 Yanvar əlillərinin siyahısında 678 nəfər, Böyük Vətən müharibəsi əlilləri və onlara bərabər tutulan əlillərin növbəlilik siyahısında isə 860 vətəndaş barədə məlumatlar qeyd olunub.