Xəbərlər

Vicdanını şeytana satmış Allahdan qorxmazdı və sadəcə, Yaradana ona oxşamadığın üçün dərindən bir şükür edərsən.

ERtv xəbər verir ki, bunu millət vəkili Qənirə Paşayeva öz Facebook səhifəsində paylaşdığı statusunda qeyd edib.

Millət vəkili statusunda konkret adlar çəkməsə də, bəzi şəxslərə qarşı sərt sözlər səsləndirib.

“Yaman yorulmuşam... İkiüzlü, qeyri-səmimi, üzümə gülüb arxamca Allahdan belə qorxmadan dedi-qodu edib, danosçuluqla məşğul olan bəzi insanlardan... Onlarla işinlə bağlı bəzən tez-tez üz-üzə gəlməli olursan.

Üzünə gülümsəməsinin arxasındakı səmimiyyətsizliyini, çirkli daxili aləmini görürsən, bilirsən və bir gün öz əməllərindən ən azı utanacağını gözləyirsən...” - deyə, qeyd edən millət vəkilinə görə, amma belələri dəyişmir.

“Və sən bəzən az qalırsan içindən keçənlərin hamısını onun üzünə söyləyəsən, hər şeydən xəbərin olduğunu, amma tərbiyəndən və xislətində pislik etmək duyğusu olmadığından qarşılıq vermək istəmədiyini deyəsən...

Amma sonra susursan... Çünki onun onsuz da dəyişməyəcəyini bilirsən... Bilirsən ki, vicdanını şeytana satmış Allahdan qorxmaz və sadəcə Yaradana ona oxşamadığın üçün dərindən bir şükür edərsən” - deyə, millət vəkili sözlərinə əlavə edib.