Xəbərlər

Demokratik İslahatlar Partiyasının (DİP) sədri, Milli Məclisin deputatı Asim Mollazadə Üçüncü Xəzər Forumunda iştirak etmək üçün İstanbula gedib.

ERtv xəbər verir ki, A.Mollazadənin İstanbula növbəti səfəri haqqında məlumatı DİP-in mətbuat xidməti yayıb.

Məlumatda qeyd olunur ki, sözügedən forumda iştirakçı dövlətlərin liderləri Xəzər regionu ilə bağlı məsələləri müzakirə edəcəklər.

Forumun ilk günündə “Geniş Xəzər regionunda kapital bazarının inkişafı”, ikinci günündə isə “Xəzər tranzit dəhlizi: İpək Yolunun dirçəlişi” və “Cənub dəhlizi: Regional enerji resursları üçün əsas kəmər” mövzuları müzakirəyə çıxarılacaq.

Ayrı-ayrı dövlətlərin liderləri, siyasətçilər, elm adamları, biznesmenlər və media rəhbərləri sözügedən mövzular ətrafında diskussiyalar aparacaqlar.

A.Mollazadə ötən ay İstanbulda keçirilmiş Atlantik Şurasının Enerji və İqtisadi sammitində də iştirak edib.