Xəbərlər

6-8 dekabr tarixlərində Ukraynanın paytaxtında ümummilli lider Heydər Əliyevin xatirəsinə həsr olunmuş gənclər arasında 5-ci güləş turniri keçiriləcək.

ERtv-nin Azərbaycan Güləş Federasiyasının saytına istinadən verdiyi xəbərə görə, ölkəmizi turnirdə 14 idmançı təmsil edəcək.

Qızların turnirində Ülkər Babayeva (38 kq), Türkan Nəsirova (46 kq), Sona Tumarxanova (49 kq) və Ləman Qurbanova iştirak edəcək.

Sərbəst güləşçilərin turnirində isə medal uğrunda Babək Hüseynov (42 kq), Sabutay Amişov (46 kq), Elvin Namazov (50 kq), Əfqan Xaşalov (54 kq), Mahir Əmiraslanov (58 kq), Pənah İlyaslı (63 kq), Teymur Məmmədov (69 kq), Məhəmmədsəid Məhəmmədsəidov (76 kq), Məhəmmədrəsul Qazimaqomedov (85 kq) və İqbal Hacızadə (100 kq) mübarizə aparacaqlar.