Xəbərlər

Azərbaycan YUNESKO ilə sıx əməkdaşlıq etməyə davam etdirir. Düşünürəm ki, Bakıda YUNESKO-nun Qeyri-maddi Mədəni Irsin Mühafizəsi Komitəsinin 8-ci sessiyasının keçirilməsi təkcə Azərbaycanın bu təşkilatla əməkdaşlığının inkişaf etdiirlməsində yeni yollar müəyyənləşdirməyəcək, həm də qeyri-maddi mədəni irsin qlobal miqyasda qorunmasına öz töhfəsini verəcək.

ERtv-nin verdiyi xəbərə görə, bunu Azərbaycanın mədəniyyət və turizm naziri Əbülfəs QarayevBakıda keçirilən YUNESKO-nun Qeyri-maddi Mədəni Irsin Mühafizəsi Komitəsinin 8-ci sessiyasına həsr olunan mətbuat konfransında bəyan edib.

O bildirib ki, sessiya çərçivəsində Azərbaycanın mədəniyyət mərkəzlərində iştirakçıların Azərbaycan xalqının mədəni irsi ilə yaxından tanış ola bilmələri üçün müxtəlif tədbirlər təşkil olunur.  

Nazir qeyd edib ki, Bakıda YUNESKO-nun Qeyri-maddi Mədəni Irsin Mühafizəsi Komitəsinin 8-ci sessiyasının keçirilməsi təşəbbüsü Azərbaycanın birinci xanımı Mehriban Əliyevaya məxsusdur.

“Məhz Mehriban xanım Əliyevanın səyləri nəticəsində ölkəmiz bu tədbirin keçirilməsi hüququnu əldə etməyə müvəffəq olub” – Ə.Qarayev bəyan edib.

Nazir bildirib ki, sözügedən sessiyanın keçirilməsi YUNESKO-nun Qeyri-maddi Mədəni Irsin Mühafizəsi Konvensiyasısının qəbul edilməsinin onuncu ildönümünə təsadüf edir.