Xəbərlər

Bu ilin yanvar-oktyabr ayları ərzində Azərbaycan və MDB ölkələri arasında ticarət dövriyyəsi 3 mlrd. 342 mln. 616 min dollar təşkil edib.

ERtv Dövlət Gömrük Komitəsinə istinadən xəbər verir ki, bu ilin 10 ayında Azərbaycanın MDB ölkələri ilə ticarət dövriyyəsi ötən ilin müvafiq dövründən 20% artıq olub.

Bu il həyata keçirilən ticarət dövriyyəsinin 2 mlrd. 133 mln. 686 min dolları MDB ölkələrindən idxalın, 1 mlrd. 208 mln. 930 min dollar isə ixracın payına düşüb.

Bu ilin 10 ayında keçən ilin müvafiq dövrünə nisbətən MDB ölkələrinə ixrac 29%, bu ölkələrdən idxal isə 15% artıb.

Bu ilin 10 ayında MDB ölkələrindən idxal bu dövrdəki ümumi idxalın 24%-ni tutub.

MDB ölkələrinə ixrac isə hesabat dövründə ümumi ixracın 6%-ni təşkil edib.