Xəbərlər

Misir hakimiyyəti Türkiyə ilə diplomatik münasibətlərin səviyyəsini aşağı salıb və Ankaranın Qahirədəki səfirindən ölkəni tərk etməyi tələb edib.

ERtv RİA Novosti-yə istinadən xəbər verir ki, belə bəyanatla şənbə günü Misir Xarici İşlər Nazirliyinin nümayəndəsi Bədr Abdel Atı çıxış edib.

Digər təfərrüatlar hələlik açıqlanmır.

Qeyd edək ki, Ankara əvvəllər dəfələrlə prezident Məhəmməd Mursinin devrilməsini kəskin tənqid edib. Türkiyə rəhbərliyi bildirib ki, "demokratik yolla seçilmiş ölkə rəhbərinin hakimiyyətdən uzaqlaşdırılması" qanuna ziddir və Misirə, onun iqtisadiyyatına və demokratik proseslərə ciddi zərbə vuracaq.