Xəbərlər

Bu gün Portuqaliyanın Almada şəhərində futzal üzrə UEFA Kubokunun Elit mərhələsində “D” qrupunun matçları start götürüb.

ERtv-nin verdiyi xəbərə görə, ilk görüşdə “Araz” Hollandiyanın “Eyndhoven” klubu ilə qarşılaşıb və 6:3 hesabı ilə qalib.

6-cı dəqiqədə hesabı komandamızın futbolçusu Auqusto açıb, 8-ci dəqiqədə isə Edu hesabı 2:0-a çatdırıb. Hollandların komandasından Bali və Əl Attabi hərəsi bir qol vurmaqla hesabı bərabərləşdirib. 12-ci dəqiqədə “Araz”ın heyətindən Rafael qol vurmaqla komandanı hesabda irəli çıxarıb.

2-ci hissədə Bir Jade və Vitali Borisov “Araz”ın üstünlüyünü artıraraq hesabı 5:2 ediblər. Ancaq hollandlar Elnur Qəmbərovun avtoqolundan sonra fərqi azaldıblar. Vitali Borisov 35-ci dəqiqədə vurduğu qolla naxçıvanlıların üstünlüyünü yenidən 3 qola qaldırıb. Oyun 6:3 hesabı ilə bitib.

Öz qruplarından 1-ci yer tutan komandalar “Dördlər finalında” oynamaq imkanı qazanır.