Xəbərlər

Dünya Çempionatında hakimlər yeni üsuldan istifadə edəcəklər.

ERtv xəbər verir ki, 2014-cü ildə Braziliyada keçiriləcək dünya çempionatında referilər xüsusi spreylərdən istifadə edəcək.

FİFA Hakimlər Komitəsinin sədri Massimo Buzakka məlumat verib ki, baş hakimlər cərimə zərbələrinin yerinə yetirilmə nöqtələrini və canlı səddin dayanmalı olduğu yerləri göstərmək üçün spreydən istifadə edəcəklər.

Onun sözlərinə görə, bu, əlavə mübahisələrin qarşısını alacaq:

“Bunun işin xeyrinə olacağını düşünürük. Araşdırma apardıq və məlum oldu ki, futbolçuların əksəriyyəti canlı səddin təşkili zamanı qaydalar riayət etmirlər. Təəssüf ki, bir çox hallarda bu kimi hallar referinin diqqətindən yayınır və futbolçular layiq olduqları sarı vərəqə ilə cəzalandırılmırlar”.

Buzakka sözlərinə əlavə edib ki, spreyi əvvəlcə klublararası dünya çempionatında sınaqdan keçiriləcək və bundan sonra bu metoddan FİFA bayrağı altında keçiriləcək digər turnirlərdə, eləcə də, DÇ-2014-də istifadə olunacaq.