Xəbərlər

Həkimlər xalq artisti Rafiq Hüseynovun ağciyərində xərçəng aşkarlayıb.

Tanınmış diktor ERtv-yə açıqlamasında bildirib ki, kompüter tomoqrafiyasından sonra səhhətində belə bir problem ortaya çıxıb.

“Necə ola bilərəm ki?! Diaqnoz qoyulub... Akademik Əhliman Əmiraslanov səhhətimlə bağlı hər şeyi öz boynuna götürüb. Hazırda müayinə davam edir. Bir həftə ərzində şişin kəsiləcəyi və ya kimya-terapiya olunacağı bilinəcək. Müayinə gedir, həkimlər baxırlar ki, şişin ölçüsü nə qədərdir”.

“Xaricdə müalicəyə isə mənim gücüm çatmaz” - deyə bildirən R.Hüseynov Bakıda bütün tibbi avadanlıqların olduğunu deyib:

“Bu əməliyyat Almaniyada 120 min manata başa gəlir. Sözsüz ki, problem var və bunu tomoqrafiya da göstərir. Nəticənin necə olacağını isə zaman göstərəcək”.