Xəbərlər

Karyerasını 34 yaşında bitirən rusiyalı futbolçu Şamil Lahiyalov saxta pasportla Azərbaycan yığmasında oynamağından danışıb.

“90-cı illərin sonlarında “Anji”nin heyətinə düşmək çətin idi.

Yoldaşlıq oyunu üçün Azərbaycana yollandım, orda isə dedilər ki, əgər 1982-ci ilə dair doğum haqqında şəhadətnamə tapsan qal burda oyna.

Və mən kiçik qardaşım Rəşidin sənədini gətirdim. Doğum haqqında şəhadətnamədə şəkil yoxdur. Mən 1979-cü il təvəllüdəm, lakin cılız idim. Peşəkar futbola qədər oynadım. Mənə təklif etdilər ki, “pasport düzəlt, gəl bizdə oyna”. Birinci müqaviləyə görə əmək haqqım 470 rubl idi. Saxta pasport 4 minə idi. Hər şeyə tüpürdüm, Dağıstana qayıtdım.

Azərbaycanda məni Rəşid çağırırdılar. Lakin necəsə Dağıstan qəzetində altında “Şamil Lahiyalov” yazılan şəkilimi gördülər. Məndən soruşdular ki, “sən Şamilsən? Dedim yox, Rəşidəm”. Lakin azərbaycanlılar çoxbilmiş olur. Üstündən heç yarım saat keçməmişdi, oturub televizora baxanda birdən kimsə “Şamil” çağırdı. Mən döndüm. Və məsələ aydın oldu. Buna baxmayaraq, sonadək oynadım. Mən, hətta Rəşid adı isə Azərbaycanın gənclər yığmasının heyətində seçmə mərhələdə də çıxış etmişəm”, - deyə Gün.Az Ş.Lahiyalovun “Sport-Ekspress”ə dediyi sözləri sitat gətirir.