Xəbərlər

Çəhrayı rəngli xalis brilyant Cenevrədə keçirilən “Sotheby's” hərracında 83 milyon dollara satılıb.

ERtv xəbər verir ki, bu, günümüzə qədər hərracda satılan ən qiymətli daş-qaş olub.

“Xanımlar və cənablar, brilyant 68 milyon franka (83 milyon dollar) satıldı. Bu günümüzə qədər hərraclarda qiymətli daş-qaşa görə ödənilən rekord məbləğdi. Təbrik edirəm”, - deyə hərracın aparıcısı Devid Bennett bildirib.

Brilyantı Nyu-Yorkun məşhur taraşçısı İsaak Vulf alıb. Hərracda onun nümayəndəsi iştirak edib. Yumurtavarı taraşlanmış brilyant 1999-cu ildə “De Beers” şirkətinə məxsus mədəndə tapılan 132,5 karatlıq almazdan hazırlanıb.