Xəbərlər

Azərbaycandan İtaliyaya neft-qaz ixracının çoxluğu ticarət dövriyyəsində balansızlıq yaradıb.

ERtv xəbər verir ki, bu barədə İtaliyanın iqtisadi inkişaf nazirinin müavini Karlo Kalenda bildirib.

Onun sözlərinə görə, Azərbaycanla İtaliya arasında ticarət münasibətləri çox yüksək səviyyədə inkişaf edib, lakin investisiya baxımından bu nisbətən azdır.

İtaliyadan olan nazir müavini əlavə edib ki, İtaliya Azərbaycanda neft-qaz sektoru üzrə investisiya yatırıb, Azərbaycandan da İtaliyaya neft-qaz sektoru üzrə ixrac üstünlük təşkil edib:

“Bu da Azərbaycan-İtaliya ticarət balansında bir növ balansızlıq yaradıb. Azərbaycanın neft-qaz sektorundan başqa, ixrac etdiyi  məhsullar nisbətən azdır. Biz ona görə də çalışırıq ki, çox sayda İtaliya şirkətini Azərbaycana cəlb edək”.

O həmçinin əlavə edib ki, Azərbaycan şirkətlərini İtaliyada tikinti və digər sənaye sahələrinə cəlb etməkdə maraqlıdır.