Xəbərlər

Noyabrın 11-dən Bakıda Almaniya Günləri başlayıb.

ERtv-yə Almaniyanın Azərbaycandakı səfirliyinin mətbuat xidmətindən Aytəkin Məhərrəmlinin verdiyi məlumata görə, tədbiri səfirlik Hote adına institut, Alman Akademik Mubadilə Xidməti (DAAD), Alman Dili Tədris Mərkəzi (SLZ), “ZfA”, “GİZ” və “KfW” (Almaniya bankı) ilə birgə təşkil edib.

Noyabrın 14-dək davam edəcək tədbirlər çərçivəsində Kapellhausda Hote adına institutun keçirdiyi “Alman dili!” foto-sərgisi nümayiş olunacaq.

Bu gün isə səfirlik “Liebe Maurer” filmini numayiş etdirəcək. Noyabrın 13-də Azərbaycanın PASH-məktəbləri hit-parad, 14-də isə DAAD “Almaniyada təhsil” movzusunda tədbiri təqdim edəcək.

Almaniya günləri “GİZ” ilə “KfW” ilə birgə Azərbaycan məktəblərində keçirilmiş foto-musabiqənin mükafatlandırması ilə müşaiyət olunan inkişaf naminə əməkdaşlığın 20-ci ildönümünə həsr olunmuş yubiley mərasimi ilə yekunlaşacaq.

Qeyd edək ki, Almaniya Günləri çərçivəsində dünən Alman Dili Tədris Mərkəzi  “Musiqili səyahət” (Musikalische Reise) adlı məktəblilərin konsertini təqdim edib.