Xəbərlər

Dövlət Neft Şirkətinin təşəbbüsü ilə İmişli rayonunda yerləşən Muradxanlı “İriləşdirilmiş neft mədəni”ndə qanvermə aksiyası keçirilib.

ERtv-nin bölgə müxbiri “İriləşdirilmiş neft mədəni”nə istinadən xəbər verir ki, qanvermə aksiyası Mərkəzi Qan Bankının Şirvan regional bölməsi tərəfindən bu gün həyata keçirilib.  

Tibb işçilərindən ibarət olan briqada könüllü sürətdə qan verməyə gələn vətəndaşları əvvəlcə müayinə edib, sonra qanvermə aksiyasına start verilib.

Gün ərzində davam edən aksiyada 300 nəfərə yaxın könüllü iştirak edib və aparılan müayinədən sonra 100 nəfərə yaxın vətəndaşdan qan götürülüb.

Qeyd edək ki, yığılan qanlar talassemiya və hemofiliya xəstəliyindən əziyyət çəkən uşaqların ehtiyaclarına yönələcək.