Xəbərlər

Dünya şöhrətli müğənni-aktyor həyatı boyu heç bir plastik əməliyyat etdirmədiyini bildirib.

Müğənni iddia edir ki, onun bütün xarici görünüşü təbiidir.

ERtv “Starhit.ru” saytına istinadən xəbər verir ki, qalmaqal Londonun plastik cərrahı Eyham əl-Əyyubi öz mikrobloqunda Lopezin izahlı şəkillərini yerləşdirməsindən sonra baş verib:

“Bu şəkillər əvvəl və sonra çəkilib. Bunlarda plastik əməliyyat əlamətləri müşahidə etmək olar”.

Cennifer Lopez şəkillərdən birində makiyajsızdır, digər birində isə onun üzünün çevrəsi tunc rəngindədir, gözlərində tuş var.

44 yaşlı Lopez mütəxəssisin iddialarını təcili qaydada təkzib edib: “Təəssüf edirəm həkim, amma mən heç vaxt heç bir plastik əməliyyat keçirməmişəm”.

Müğənninin 25 milyonluq pərəstişkar ordusu onun məlumatını “like” etməklə Cenniferə dəstəklərini nümayiş etdiriblər. Bundan sonra həkim üzr istəyib və həqiqətəuyğun olmayan məlumat köməkçisi tərəfindən onun razılığı olmadan paylaşılıb.