Xəbərlər

Eks-spiker Rəsul Quliyev yeni müsahibəsində də Milli Şura haqqında sarkazmla danışıb.

ERtv xəbər verir ki, R.Quliyev hafta.az saytına müsahibəsində Milli Şuradan xüsusi qərarla xaric edilməsi ehtimalına dair sualı belə cavablandırıb:

“Gülməlidir. Ümumiyyətlə, MŞ-nın belə bir məsələni qaldırması, həmin o qardaşların çaldığı hava ilə oynamaq istəməsi gülüş doğurur.

Mən, “əgər MŞ azad seçkilər uğrunda mübarizə planını müzakirə etməsə, o təşkilatın üzvü ola bilmərəm”, - deyə bəyan etmişəm.

Bu adamların mənim məsələmi gündəliyə atması doğrudan gülüş doğurur. Mənim bu qurumun işini tənqid etməyimin onun üzvü olub-olmamağına nə dəxli var?

Yəni belə fikirləşirlər ki, üzvü olmasam tənqidin təsiri zəif olacaq? MŞ tək mənim üçün yox, hamı üçün əhəmiyyətini itirib.

MŞ-nı saxlayan onun üzvləri deyil, R.İbrahimbəyov və C.Həsənlinin səyləridir. Bir daha deyirəm, MŞ İP-nın zəifləmiş formasıdır, nə istəyirlər müzakirə etsinlər, mənim üçün heç bir fərqi yoxdur.

Məsləhət görərdim onları ələ salmaq üçün mənə əlavə mövzu verməsinlər”.