Xəbərlər

Almaniyada qüvvəyə minən Şəxsiyyət vəsiqəsi haqqında qanun yeni doğulan körpələrin cinsinin doğum qeydiyyatı idarəsinə bildirilməsi məcburiyyətini aradan qaldırıb.

ERtv-nin Türkiyə KİV-lərinə istinadən verdiyi xəbərə görə, indiyə qədər Almaniyada valideynlər körpənin dünyada gəlməsindən sonrakı bir həftə ərzində uşağın adını və cinsini doğum qeydiyyatı idarəsinə bildirmək məcburiyyətində idilər. Bu qaydaya riayət etməyənlər isə pul cəriməsi ödəyirdilər.

Federal Daxili İşlər Nazirliyinin müşavirinin sözlərinə görə isə, yeni qəbul edilən qanuna əsasən uşaq dünyaya gələndən dərhal sonra onun cinsinin məcburi olaraq bildirilməsi ilə bağlı valideynlərə edilən təzyiqlərə son qoyulacaq.

Üstəlik cinsin yeni vəsiqədə yazılmaması fərdin etdiyi cins seçimindən asılı olaraq, meydana çıxan tibbi müdaxilələrdə də problemlər yaranmasının qarşısını almış olacaq.