Xəbərlər

Azərbaycan təhsil sahəsində ciddi islahatlar yoluna qədəm qoyub.

Bu islahatlar təhsil sisteminin effektivliyinin artırılması, həmçinin ölkənin bugünku və gələcəkdəki keyfiyyətli kadr ehtiyacını qarşılamaq məqsədini güdür.

ERtv xəbər verir ki, bu barədə 3-cü Bakı Beynəlxalq Humanitar Forumu çərçivəsində təşkil olunan paneldə çıxışı zamanı təhsil naziri Mikayıl Cabbarov deyib.

Onun sözlərinə görə, Təhsil Nazirliyi müstəqil Azərbaycanın gənc vətəndaşlarının təlimi və tərbiyəsi üçün lazım olan bütün tədbirləri görür.

M.Cabbarov həmçinin diqqəti azərbaycanlı tələbələrin xaricdə təhsil almasına yönəldib.

O deyib ki, hazırda onlarla azərbaycanlı tələbə xarici ölkələrin tanınmış ali təhsil müəssisələrində yüksək səviyyəli təhsil alır.