Xəbərlər

İmişli rayonunda avtomobilin kanala düşməsi nəticəsində sürücü dünyasını dəyişib.

ERtv-nin bölgə müxbiri rayon polis şöbəsinə istinadən xəbər verir ki, hadisə rayonun Hacırüstəmli kəndinin çöl sahəsində qeydə alınıb.  

Belə ki, Biləsuvar rayonunun ərazisində məcburi köçkün şəhərciyinin 4 saylı qəsəbəsində müvəqqəti məskunlaşmış Cəbrayıl rayon sakini, 31 yaşlı Fəqan Atakişiyev idarə etdiyi “VAZ-2106” markalı avtomobillə qəzaya məruz qalıb.

O, çöl sahəsində suvarma kanalı üzərindəki körpüdən keçərkən idarəetməni itirib və avtomobil suya düşüb.

Sürücü hadisə yerindəcə dünyasını dəyişib. Avtomobil və cəsəd sudan çıxarılaraq aidiyyəti üzrə təhvil verilib.

Faktla bağlı araşdırma aparılır.