Xəbərlər

Pakistan məhkəməsi azyaşlı qıza qarşı vəhşicəsinə seksual hərəkətlərdə şübhəli bilinən iki kişinin həbsi haqqında qərar çıxarıb.

ERtv Rusiya mətbuatına istinadən xəbər verir ki, qız qrup şəklində cinsi zorakılığa məruz qaldıqdan sonra diri-diri basdırılıb, lakin o özünə gələrək qəbirdən çıxa bilib.

 “The International Business Times” yazır ki, Pəncab vilayət polisi əvvəlcə faktla bağlı araşdırma aparmaq istəməyib və məsələyə məhkəmə qarışmalı olub.

13 yaşlı zərərçəkən qızın atası Siddiq Muqal bildirib ki, qıza Quran dərsini öyrəndiyi seminara gedən zaman yolda hücum ediblər.

Hadisə Lahor yaxınlığında yerləşən Toba-Tek-Sinqx rayonunda baş verib. İki kişi qızı zorla adam olmayan yerə aparıb və ona qarşı seksual hərəkətlər ediblər. Zorlama zamanı zərərçəkən huşunu itirib. Cinayətkarlar onun öldüyünü zənn ediblər və qızı yolun kənarında basdırıblar. Lakin bir müddətdən sonra qız özünə gəlib və güc taparaq qəbirdən çıxıb. Qızın qışqırtısını yoldan keçən bir nəfər eşidib və onu xəstəxanaya getməkdə kömək edib.

Polisin caniləri tapmaq istəmədiyini görən Lahor məhkəməsinin apelyasiya xidmətinin rəhbəri məsələyə müdaxilə edib. Sonda şübhəli şəxslərin həbsi barədə qərar verilib.