Xəbərlər

Yanvar-sentyabr ayları ərzində Azərbaycana 860 mln. 960 min dollar həcmində yeyinti məhsulları idxal olunub.

ERtv-nin Dövlət Gömrük Komitəsinə istinadən verdiyi xəbərə görə, bu da ötən ilin müvafiq dövrü ilə müqayisədə 20 % çoxdur.

Beləliklə, yeyinti məhsulları cəmi idxalın 11 %-ni təşkil edib.

İdxalın 328 mln. 556 min dollarını buğda, 135 mln. 128 min dollarını şəkər, 55 mln. 108 min  dollarını bitki və heyvan mənşəli piylər və yağlar, 21 mln. 898 min dollarını meyvə-tərəvəz, 10 mln. 250 min dollarını ət təşkil edib.

Qeyd edək ki, doqquz ayda Azərbaycan 144 xarici ölkə ilə 26 mlrd. 127 mln. 023 min dollar məbləğində ticarət əməliyyatı həyata keçirib.

Ticarət dövriyyəsinin 18 mlrd. 057 mln. 924 min dolları ixracın, 8 mlrd. 069 mln. 099 min dolları isə idxalın payına düşüb. İdxal əməliyyatları ötən ilin müvafiq dövründən 19%, ixrac əməliyyatları isə 1,5% çox olub.

Hesabat dövründə 5 839 ədəd mal çeşidi idxal olunub, 1 827 ədəd çeşiddə isə mal ixrac olunub.

İlin doqquz ayında ticarət əməliyyatlarında 9 mlrd. 988 mln. 824 min dollar məbləğində müsbət saldo yaranıb.