Xəbərlər

Azərbaycan Respublikasının Prezidenti yanında Gənclər Fondunun üçüncü qrant müsabiqəsinin nəticələrinə uyğun olaraq qalib gəlmiş layihələrdən biri də Virtual Qarabağ Tarixi Muzeyinin yaradılması layihəsidir.

ERtv AzərTAc-a istinadən vəbər verir ki, bu barədə layihənin rəhbəri, AMEA-nın Arxeologiya və Etnoqrafiya İnstitutunun əməkdaşı Səbuhi Hüseynov məlumat vermişdir.

Azərbaycanda ilk dəfə olaraq həyata keçirilən bu layihə çərçivəsində Qarabağın tarixini, mədəniyyətini, etnoqrafiyasını və arxeologiyasını əks etdirən eksponatlar virtual sərgilənəcəkdir.

Layihənin məqsədi dünyanın müxtəlif muzeylərində Qarabağa dair sərgilənən eksponatların bir internet resursunda toplanması, gənc nəslin öz maddi mədəni irsini dərindən öyrənməsi və araşdırması, işğal altında olan torpaqlarımızdakı abidələrin dağıdılmasına qarşı mübarizənin aparılmasıdır.