Xəbərlər

Zaqatalada 2012-ci ilin mayında baş vermiş güclü zəlzələnin fəsadlarının aradan qaldırılması sahəsində tədbirlər uğurla davam etdirilir.

ERtv-nin bölgə müxbirinə Rayon İcra Hakimiyyətindən bildirilib ki, cari ilin doqquz ayı ərzində 3960 şagird yerlik 11 məktəb binası istifadəyə verilib.

Daha 6 məktəb binasında bərpa-gücləndirmə işləri aparılıb. Nazirlər Kabinetinin ayırdığı vəsait hesabına zəlzələ nəticəsində qəzalı vəziyyətə düşən 9 uşaq bağçasında bərpa-gücləndirmə və tikinti işlərinə başlanılıb. Eyni zamanda, indiyədək rayonun zəlzələdən zərər çəkmiş ərazilərində 3900 fərdi evin tikintisi başa çatdırılıb.