Xəbərlər

Qax rayonunda əhalinin yanacaqla təmin olunması istiqamətində həyata keçirilən layihələr plana uyğun icra olunur.

ERtv-nin bölgə müxbiri Rayon İcra Hakimiyyətinə istinadən bildirir ki, ilin əvvəlindən indiyə kimi rayonun Dəymədağlı, Almalı və Ağçay kəndlərinə qaz xətlərinin çəkilişi başa çatdırılıb. Bu müddətdə ümumilikdə 571 abonent təbii qazla təmin olunub. Hazırda “Azəriqaz” İstehsalat Birliyinin əməkdaşları rayonun ən ucqar dağ kəndinə İlisuya, eləcə də Qıpçaq, Cəlayır, Şotavar və İngiloy-Kötüklü yaşayış məntəqələrinin qazlaşdırılması istiqamətində işləri davam etdirirlər.