Xəbərlər

Almaniyada aparılan geniş sorğu nəticəsində ölkədə yaşayan 3 milyona yaxın türkə qarşı diskriminasiya hallarının davam etdiyi məlum olub.

“İnfo” müstəqil sorğu institutunun “Radio 1” üçün apardığı sorğuda qeyd olunub ki, Almaniyada yaşayan türklərin adları və üz cizgiləri onları iş yerləri tapmasına mane olan əsas amillərdəndir.

Respondentlərin 23 faizi ictimai yerlərdə təhqir olunduqlarından, 10 faizi isə fiziki təcavüzə məruz qaldıqlarından şikayətlənmişlər. Bu səbəbdən onlar ictimai yerlərdə narahatlıq hissi keçirdiklərini bildiriblər. 30 yaşına çatmamış sorğu iştirakçılarının 29 faizi məhz dini etiqadlarına görə təhqir olunduqlarını qeyd ediblər. Bundan əlavə, respondentlərin 15 faizi adına və xarici görünüşünə görə iş yerini itirəcəyindən narahatdır.