Xəbərlər

Yanvar-sentyabr ayları ərzində Azərbaycana 20 mln. 699,77 min dollar həcmində humanitar yük, təmənnasız kömək və texniki yardım gətirilib.

ERtv-nin Dövlət Gömrük Komitəsinə istinadən verdiyi xəbərə görə, bu müddətdə ölkədən ixrac edilən yardım isə cəmi 79,34 min dollar həcmində olub.

Qeyd edək ki, doqquz ayda Azərbaycan 144 xarici ölkə ilə 26 mlrd. 127 mln. 023 min dollar məbləğində ticarət əməliyyatı həyata keçirib.

Ticarət dövriyyəsinin 18 mlrd. 057 mln. 924 min dolları ixracın, 8 mlrd. 069 mln. 099 min dolları isə idxalın payına düşüb. İdxal əməliyyatları ötən ilin müvafiq dövründən 19%, ixrac əməliyyatları isə 1,5% çox olub.

Hesabat dövründə 5 839 ədəd mal çeşidi idxal olunub, 1 827 ədəd çeşiddə isə mal ixrac olunub.

İlin doqquz ayında ticarət əməliyyatlarında 9 mlrd. 988 mln. 824 min dollar məbləğində müsbət saldo yaranıb.