Xəbərlər

Rusiya ilə matç zamanı (1:1) zədələnən “Bakı”nın və Azərbaycan yığmasının qolkiperi Kamran Ağayev Türkiyədə əməliyyat olunub.

ERtv-nin “Bakı” klubunun saytına istinadən verdiyi xəbərə görə, futbolçunun dizindən edilən əməliyyat “Acibadem” klinikasında keçirilib.

Elə bu klinikada “Bakı”nın digər oyunçusu Mario Rubio əməliyyat olunub.

Qeyd edək ki, Mario Rubio əməliyyatdan sonrakı 6 həftə ərzində meydana çıxa bilməyəcək.