Xəbərlər

Kubalı Erislandi Savona qalib gəlib yarımfinala çıxan və ən azı, özünə bürünc medalı təmin edən Teymur Məmmədov öz təəssüratları ilə bölüşüb.

ERtv-nin verdiyi xəbərə görə, yarımfinalda italiyalı Klimente Russo ilə qarşılaşacaq Teymur Məmmədov ötən döyüşdə uduzduğuna görə, ondan revanş alacağını bildirib.

“Öz karyeramda mən artıq üçüncü dəfədir ki, kubalı boksçuya qalib gəlirəm. Bu çox çətin döyüş idi. Savon Bakıda keçirilən Dünya Çempionatında Məhəmmədrəsul Məcidova məğlub olmuşdu. İndi isə o ayrı çəki kateqoriyasında çıxış edir. Yarımfinalda mən Klimente Russo ilə qarşılaşacam.

Olimpiadada hakimlər mənim qalib gəlməyimə baxmayaraq, qələbəni ona vermişdilər. Qarşıdakı revanş döyüşü olacaq. Mən inanıram ki, bu dəfə mən Russoya qalib gələcəm”, - deyə Teymur Məmmədov bildirib.