Xəbərlər

Bu il sentyabrın 13-14-də Stokholm şəhərində keçirilmiş İkinci Nobel elmi-innovativ konfransının təşkilində Dövlət Neft Şirkəti sponsor və ya hər hansı digər formada iştirak etməyib.

ERtv xəbər verir ki, bu barədə Dövlət Neft Şirkəti məlumat yayıb:

“Bununla əlaqədar bəzi kütləvi informasiya vasitələrində yayılmış məlumatlar əsassızdır və təkzib olunur”.

Qeyd edək ki, bəzi Kütləvi İnformasiya Vasitələrində Bakı Nobel İrsi Fondunun SOCAR-ın dəstəyi ilə Stokholmda  II Nobel elmi-innovativ konfransı təşkil etdiyi və konfrans zamanı israfçılığa yol verildiyi, Nobel qardaşlarının adından sui-istifadə edilərək elmi konfransın siyasi konfrans kimi keçirildiyi barədə məlumatlar yayılıb.

İddiaya görə, hətta İsveç Sənaye Tarixi Mərkəzi və Nobel qardaşlarının qanuni varisi Bakı Nobel İrsi Fondu ilə əməkdaşlığı dayandırıb.