Xəbərlər

İpoteka kreditlərinin dayandırılması Gəncədə daşınmaz əmlakın ucuzlaşmasına səbəb olub.

Bu barədə məlumatı ERtv-yə daşınmaz əmlakın qiymətləndirilməsi ilə məşğul olan “V.E.S. Expres” MMC-nin Gəncə filialının eksperti Ceyhun Əliyevverib.

Onun sözlərinə görə, bir neçə ay öncə şəhərdə orta hesabla ikiotaqlı mənzilin qiyməti 35-38 min dollar civarında idisə, ipoteka kreditləşməsi dayanandan sonra bu qiymət 10 faizədək aşağı düşüb. “Şəhərdə evlər əsasən ipoteka kreditlərinin hesabına satılır. İlin sonu olduğuna görə banklar kreditləşməni dayandırıblar. Bu da mənzillərin qiymətinə təsir göstərib” - deyə C.Əliyev bildirdi.

Müsahib bildirdi ki, şəhərdə torpağın qiyməti dəyişməyib. Hazırda yerindən asılı olaraq torpağın bir sotunun qiyməti 1500 - 15000 dollara təklif edilir.