Xəbərlər

Venesuela prezidenti Nikolas Maduroya sui-qəsd planlaşdıran kolumbiyalı muzdlular bu işi 20 milyon Kolumbiya pesosuna (10,6 min dollar) etməyə razılaşıblar.

ERtv-nin RİA Novosti-yə istinadən verdiyi xəbərə görə, bu barədə Venesuelanın daxili işlər naziriMiqel Torres məlumat verib.

Nikolas Maduroya sui-qəsd hazırlamaqda şübhəli bilinən 2 Kolumbiya vətəndaşı avqust ayında Venesuelada həbs olunmuşdu. O zaman Torresin verdiyi bəyanatda bu adamların dövlət başçısına sui-qəsd hazırlayan 10 nəfərlik qrupa daxil olduğu deyilirdi. İstintaq nəticəsində kolumbiyalı muzdlularda optik nişangahı olan 2 tüfəng, Maduro və parlamentin spikeri Diosdado Kabelyonun fotoları və Venesuela ordusunun uniformaları aşkar edilib.

Venesuela DİN rəbəri yerli radionun efirində bildirib ki, o, Kolumbiyaya səfəri zamanı yerli kəşfiyyat xidmətləri ilə bu barədə müzakirələr aparıb.