Xəbərlər

Dovşanlar Şotlandiyanın şimal-qərb sahilinin 40 kilometrliyində yerləşən Kanna adasının sakinləri üçün təhlükə mənbəyinə çevrilməyə başlayıb.

ERtv xarici mətbuata istinadən xəbər verir ki, minlərlə heyvan törəyərək bütün ada ərazisinə yayılır və qarşılarına çıxan bütün bitkiləri yeyirlər.

“The Times” yazır ki, dovşanlar eyni zamanda istənilən yerdən yuva qazır, xüsusilə də, onlar qəbirləri eşir və sümükləri bayıra çıxarırlar.

Qazıntılardan binaların və arxeoloji abidələrin bünövrəsi zərər çəkir. Adanın yeganə birzolaqlı yolu çoxsaylı yuva qazmaları nəticəsində baş verən sürüşmə səbəbindən üç gün bağlı qalıb.

Bu gün Kanna adasında cəmi 12 nəfər adam və 16 mindən çox dovşan yaşayır. Hakimiyyət onların kütləvi şəkildə məhvi barədə qərar qəbul edib və hazırda dovşanların qazla zəhərlədilməsi üçün hazırlıq işləri görülür.