Xəbərlər

Yanvar-avqust aylarında muzdla işləyənlərin orta aylıq əmək haqqı 2012-cü ilin yanvar-avqust aylarına nisbətən 6.8 faiz artaraq 413.8 manat olub.

ERtv bu barədə Dövlət Statistika Komitəsinə istinadən xəbər verir. İqtisadi İnkişaf Nazirliyinin hazırladığı Azərbaycanın iqtisadi və sosial inkişaf konsepsiyasına və əsas makroiqtisadi proqnoz göstəricilərinə əsasən 2013-cü ildə orta aylıq əmək haqqı 439,3 manat olması gözlənilir.

2014-cü ildə isə bu göstəricinin 479,4 manat, 2015-ci ildə 520,1 manat, 2016-cı ildə 566 manat, 2017-ci ildə isə 618,1 manat olması proqnozlaşdırılır.

2013-cü ilin yanvar-sentyabr aylarında əhalinin hər nəfərinə düşən gəlirləri keçən ilin müvafiq dövrü ilə müqayisədə 6.2 faiz artaraq 2736.5 manata çatıb. Qazanılmış gəlirlərin 68.5 faizini orta hesabla hər bir şəxs son istehlaka, 9.1 faizini vergilərin, sosial sığorta və könüllü üzvlük haqqlarının ödənilməsinə, 20.7 faizini əmanətlərin və kapitalın artırılmasına sərf edib. Vergiləri və üzvlük haqqlarını ödədikdən sonra hər bir nəfərin sərəncamında orta hesabla 2487.1 manat qalmış və müqayisə edilən dövrdə 6.1 faiz artıb.