Xəbərlər

Böyük Britaniyanın aparıcı qəzetlərindən olan “The İndependent” Azərbaycanla bağlı xüsusi hesabat dərc edib.

ERtv-yə ölkəmizin Böyük Britaniyadakı səfirliyindən bildiriblər ki, “The Report” müstəqil media şirkəti tərəfindən hazırlanmış “Azərbaycan - yüksələn feniks” adlanan xüsusi hesabatda Azərbaycanın son illərdə müxtəlif sahələrdə əldə etdiyi nailiyyətlərdən və beynəlxalq miqyasda öz mövqeyini möhkəmləndirməsindən söhbət açılır.

Hesabatda Azərbaycanın baş nazirinin müavini, xarici işlər, iqtisadi inkişaf, rabitə və informasiya texnologiyaları, gənclər və idman, mədəniyyət və turizm nazirləri ilə müsahibələr dərc edilib. Eyni zamanda ölkənin iqtisadi potensialı, yüksələn beynəlxalq rolu, xarici siyasət kursu, turizm potensialı haqqında ətraflı məlumat verilib.

Hesabat “The Report” media şirkətinin internet səhifəsində yerləşdirilib və ətraflı bu internet keçidindən tanış olmaq mümkündür: www.the-report.net/azerbaijan

Qeyd edilməlidir ki, “The İndependent” qəzeti Böyük Britaniyanın əsas aparıcı media orqanlarından hesab olunur və geniş oxucu kütləsinə malikdir.