Xəbərlər

17- 19 oktyabr tarixlərində Azərbaycanda ikinci “Qum Heykəltəraşlığı və Qraffiti üzrə açıq Festival” keçiriləcəkdir.

ERtv  xəbər verir ki, festivalın  açılışı  17 oktyabr  saat  15.00-da şıx qəsəbəsində  “Dostluq” istirahət mərkəzində  keçiriləcək.

Azərbaycan  Gənclər  Fondunun  maliyyə  dəstəyi  ilə ikinci dəfə keçirilən  layihənin  məqsədi Azərbaycanda bu sahə üzrə təhsil alan xarici tələbələrin və Azərbaycan incəsənətinin, heykəltəraşlığının və yenicə başlanan qraffiti sənətinin  inkişafına təkan vermək, gənc istedadlı rəssamların  və heykəltəraşların tapılıb üzə çıxarılması və onların tanıtımına təkan verərək digər tanınmış rəssam və yarıdıcı insanlarla, o cümlədən profesional heykəltəraş və  rəssamalrı ilə əlaqələririnin yaradılması və möhkəmlənməsidir. 

Onu da qeyd edək ki , ikinci fetivalda Rusiyadan, İrandan və Türkiyədən olan və Azərbaycanda təhsil alan gənclərdə cəlb olunmuşlar.

Layihə 3 gün müddətinədə Bakı  şəhərində, “Dostluq”  istirahət mərkəzində həyata keçiriləcəkdir. Festivalda  3 gün ərzində qumdan heykəllər hazırlanacaq. Eyni zamanda festivalın ikincin hissəsi kimi graffiti üzrə müsabiqəyə başlanılacaq. Heykəltəraşlar və qrafitistlər 3 gün müddətində müəyyən edilmiş ərazidə müəyyən vaxt çərçivəsində işləyəcəklər. 3-cü, sonuncu gün isə hər iki nominasiya üzrə  festival qalibləri müəyyən olunacaq.

Festival  sona çatdıqdan sonra   iştirakçılara sertifikatlar,  qaliblərə  mükafatlar  təqdim olunacaq, tədbir nəticələrindən ibarət buklet və qısamaetrajlı film hazırlanacaq və layihə bitmiş hesab olunacaq. 

Layihə rəhbəri Azərbaycan Prezidenti Yanında Gənclər Fondunun 3-cü Qrant müsabiqəsinin qalibi olmuş İsmayıl İsmaılovdur.