Xəbərlər

Oktyabrın 13-də Fransanın simvollarından biri olan məşhur Eyfel qülləsi günorta radələrindən sonra bir neçə saatlığa turistlərin üzünə bağlanıb.

ERtv-nin Rusiya KİV-lərinə istinadən verdiyi xəbərə görə, buna qülləyə bomba qoyulması barədə anonim zəng səbəb olub.

Naməlum şəxsin qülləyə bomba qoyulması barədə xəbərdarlığından dərhal sonra qüllənin əməkdaşları qanun keşikçilərinin köməkliyi ilə turistləri təhlükəsiz yerə köçürüb. Bomba axtarışı bir nəticə verməyib. Hər gün 30 minə yaxın adamın ziyarət etdiyi qüllə türistlər üçün 2 saatdan sonra açılıb.