Xəbərlər

Futbol üzrə Azərbaycan yığmasının müdafiəçisi Mahir Şükürov Dünya Çempionatının seçmə oyunları çərçivəsində baş tutacaq Şimali İrlandiya (11 oktyabr) və Rusiyaya (15 oktyabr) qarşı baş tutacaq matçlar barədə şərh verib.

ERtv-nin verdiyi xəbərə görə, Mahir Şükürov bildirib ki, komanda 2 il qabaq Rusiya ilə təsadüfi heç-heçə oynamadığını sübut etmək niyyətindədir.

“Qabaqda bizi 2 ağır oyun gözləyir. Şimali İrlandiya zəif rəqib deyil. Ancaq onlara qalib gələ bilərik. Rusiyaya gəldikdə isə, biz sübut etmək istəyirik ki, 2 il qabaq Rusiya ilə təsadüfi olaraq, heç-heçə etməmişik. Rusiyanı dayandırmaq niyyətindəyik”, - deyə futbolçu bildirib.