Xəbərlər

Qəbələli fermerlər oktyabrın 10-dan etibarən payızlıq səpini işlərinə başlayacaq.

ERtv-nin bölgə müxbirinə Rayon İcra Hakimiyyətindən bildirilib ki, hazırda səpin aparılacaq sahələrdə şumlapa prosesi gedir. Iondiyə kimi 16 min hektara yaxın sahədə şum çıxarılması başa çatıb.

Fermerlər eyni zamanda torpağa üzvi və mineral gübrələr verir, toxum tədarükü görürlər. Bu il sahələrə əsasən “Aran”, “Qobustan”, “Şəki-1”, “Nurlu”, “Əzəmətli”, “Cəlilabad-19”, “Qarabağ-7” taxıl sortundan olan toxumlar səpilməsi nəzərdə tutulur.  

İcra sturukturundan o da bildirilib ki, rayonda taxılçılığa maraq ildən-ilə artmaqdadır. Belə ki, fermer və fərdi təsərrüfatlarda bu il  26.200 hektar sahədə payız səpini aparılacaq.