Xəbərlər

“Ana Vətən” Niderland Azərbaycanlı Qadınlar Birliyi bu ölkədə yaşayan azərbaycanlı qadınlar adından Azərbaycanda keçiriləcək 9 oktyabr prezident seçkiləri ilə əlaqədar bəyanat yayıb.

ERtv-yə daxil olan bəyanatda deyilir:

“Biz - Niderlandda yaşayan Azərbaycan qadınları xalqımıza səslənirik! Azərbaycan son 10 ildə çox sürətli inkişaf yolu keçib. Qarşıdan gələn prezident seçkiləri bizə bu inkişaf yolunu davam etdirməyə labüd şərait yaradır”.

Qeyd edilib ki, Azərbaycan xalqının qarşısında bu tərəqqini çiçəkləndirmək üçün böyük imkan açılıb: “Odur ki, nəinki Niderlandda, bütövlükdə dünyada yaşayan azərbaycanlıları Azərbaycanın bugünkü inkişafının səbəbkarı - İlham Əliyevə səs verməyə çağırırıq.

Ümid edirik ki, “Dünya Azərbaycanlılarının Həmrəylik Xartiyası”ndan irəli gələn prinsipləri rəhbər tutaraq bütün Avropa azərbaycanlıları bundan sonra da öz səylərini ölkələrimiz arasındakı etimad, xeyirxahlıq və dostluq münasibətlərinin möhkəmlənməsinə yönəldəcəklər”.