Xəbərlər

Bu gün Qol Federasiyası və Akademiyasının inzibati binasının açılış mərasimi keçirilir.

ERtv-nin verdiyi xəbərə görə, Azərbaycan Qolf Federasiyasının prezidenti Anar MəmmədovQolf Federasiyası və Akademiyasının inzibati binasının açılış mərasimində nitqlə çıxış edib.

“Bu gün Qolf Federasiyası və Akademiyasının inzibati binasının açılışı baş tutur. Burada qolfla məşğul olmaq üçün bütün şərtlər yaradılıb. Bu qolf üçün nəzərdə tutulmuş ikinci kompleksdir. Bildiyiniz kimi bir neçə gün öncə Qubada regionda ən böyük olan qolf meydançası açılıb. O açılış mərasimində cənab prezident İlham Əliyev iştirak edib. Bu gün isə biz Qolf Akademiyasının açılışında iştirak edirik. Ümid edirik ki, bizim gördüyümüz işlər qolfun ölkədə daha da populyar olmasına və perspektivli idmançıların yetişməsinə kömək edəcək. Hədəfimiz – 2016-cı il Olimpiadasından iştirakdır. Bu uğura nail olmağa çalışmaq lazımdır”, - deyə Anar Məmmədov bildirib.