Xəbərlər

Dövlət Sosial Müdafiə Fondunun (DSMF) sədri Səlim Müslümov bu həftə Ağdaş, Kürdəmir, İsmayıllı, Ucar, Göyçay, Şamaxı və Ağsu rayonlarının sakinləri olan məcburi dövlət sosial sığorta ödəyiciləri və pensiyaçıları üçün qəbul keçirəcək.

ERtv-nin DSMF-yə istinadən verdiyi xəbərə görə, görüş oktyabrın 4-də saat 11:00-da fondun Ağdaş rayon şöbəsinin inzibati binasında olacaq.

Qəbulda iştirak edəcək vətəndaşların fondun həmin şəhər və rayon şöbələrinin inzibati binalarının qarşısından xüsusi ayrılmış nəqliyyatla DSMF Ağdaş rayon şöbəsinə aparılıb-gətirilmələri təmin ediləcək.