Xəbərlər

Azərbaycan Ordusunun əsgəri tabeliyindəki silahla özünü vuraraq yaralayıb.

ERtv xəbər verir ki, hadisə Şəmkir Hərbi Birləşməsinin “N” saylı hərbi hissəsində qeydə alınıb.

Belə ki, hərbi hissənin əsgəri, Zaqatala rayonundan həqiqi hərbi xidmətə çağırılmış 19 yaşlı Nadir Məhərrəm oğlu Şabanov tabeliyindəki silahdan açılan atəş nəticəsində yaralanıb.

Yaralı əsgər hospitala yerləşdirilib.

Müdafiə Nazirliyinin mətbuat xidmətindən faktı təsdiqləyiblər.

Faktla bağlı araşdırma aparılır.