Xəbərlər

Yanvar-sentyabr ayları ərzində Dövlət Neft Şirkətinin Marketinq və İqtisadi Əməliyyatlar İdarəsi Ceyhan limanından 14 milyon 894 min 468 ton xam neft ixrac edib.

ERtv-nin SOCAR-a istinadən verdiyi xəbərə görə, bu limandan doqquz ayda ixrac olunan xam neftin 1 milyon 415 min 309 tonu sentyabr ayının payına düşüb.

SOCAR-ın Marketinq və İqtisadi Əməliyyatlar İdarəsi tərəfindən ixrac olunmuş xam neftin göstəriciləri həm Azərbaycan dövlətinə, həm də şirkətə məxsus xam neft həcmlərini əks etdirir.

Azərbaycan nefti Bakı-Tbilisi-Ceyhan boru kəməri vasitəsilə Türkiyənin Ceyhan limanına nəql olunur. Bu limandan isə neft Aralıq dənizi vasitəsilə Avropa bazarlarına ixrac edilir.

Uzunluğu 1773 kilometr olan Bakı-Tbilisi-Ceyhan boru kəməri Bakı yaxınlığındakı Səngəçal terminalından başlayır. Boru kəmərinin ötürmə qabiliyyəti gündə 1,2 milyon barel neftdir. Kəmər 2006-ci ildən istifadədədir.