Xəbərlər

Bu ilin yanvar-avqust ayları ərzində Azərbaycan 839 mln. 297 min dollar məbləğində qara metallar və onlardan hazırlanan məmulatlar idxal edib.

ERtv-nin Dövlət Gömrük Komitəsinə istinadən verdiyi xəbərə görə, səkkiz ayda bu məhsulların idxalı ötən ilin eyni dövründən 3% artıq olub.

Hesabat dövründə Azərbaycanın idxal etdiyi qara metallar və onlardan hazırlanan məmulatlar ümumi idxalın 12%-ni təşkil edib.

İlin səkkiz ayında Azərbaycanın ixrac etdiyi qara metallar və onlardan hazırlanan məmulatlar isə 76 mln. 896 min dollar məbləğində olub.

Bu məhsulların ixracı isə ötən ilin səkkiz ayından 8% az olub.