Xəbərlər

Bu gün Lənkəran Dövlət Dram Teatrı 123-cü mövsümünə başladı.

ERtv-nin bölgə müxbiri  xəbər veri ki, mövsümün açılışı ilə bağlı  keçirilən  mərasimdə teatrın direktoru İslam Həsənov çıxış edərək  ötən mövsümdə qazanılan uğurlardan, cari mövsümdə qarşıda duran vəzifələrindən danışıb.   

Bildirib ki, hazırda teatrda baş rejissor Tural Mustafayevin quruluşunda Aldo Nikolainin “Dəmir sinif” pyesi əsasında tamaşa hazırlanır. Eyni zamanda tamaşaya hazırlıq işlərinin  aparıldığı   Slovamir Mrojekin «Mühacirlər» əsəri  Ukraynadan dəvət olunmuş rejissor Andrey Nepitalyuk quruluşunda səhnə təcəssümü tapacaq.  UNESCO xəttı ilə ərsəyə gələcək tamaşa  təhvil verildikdən sonra 4 ölkənin  teatrlarında müxtəlif dillərdə təqdim olunacaq. Kollektiv həmçinin cari mövsümdə bir neçə Beynəlxalq teatr festivalında Azərbaycanı təmsil edəcək.
 
Mövsümün açılışından  sonra dramaturq Maarif Məmmədovun “Əcnəbi kürəkən” komediyası  teatrsevərlərə təqdim  olunub.