Xəbərlər

İlk səkkiz ayda Azərbaycana 20 mln. 480 min dollar həcmində meyvə-tərəvəz idxal olunub.

ERtv-nin Dövlət Gömrük Komitəsinə istinadən verdiyi xəbərə görə, bu isə idxalda illik azalma olduğunu göstərir.

Belə ki, ötən ilin eyni dövründə bu göstərici 45 mln. 899 min dollar olub.

Həmçinin bu müddətdə meyvə-tərəvəzin ixrac həcmi də ötən ildəki 112 mln. 626 min dollardan 107 mln. 215 min dollaradək azalıb.

Qeyd edək ki, ilk səkkiz ayda 23 mlrd. 87 mln. 410 min dollar həcmində ticarət əməliyyatları həyata keçirilib. Bunun da 15 mlrd. 954 mln. 703 min dolları ixrac əməliyyatlarının payına düşüb.